Monday, October 13, 2003

 
Í dag komu myndirnar sem voru teknar í síðustu viku af mér og bekknum mínum. Mömmu finnst ég vera sætust af öllum. En henni finnst líka Sölvi vera sætastur í sínum bekk sko, hans bekkur fór líka í myndatöku. En ekki Nökkva bekkur, bara næst þegar hann fer í 10. bekk.
Mamma vill alltaf að ég sé heima hjá henni því henni finnst ég svo skemmtileg og svo elskar hún að hlusta á mig lesa. Mér finnst miklu meira gaman að leika við einhvern. Til dæmis Möggu og svo fór ég að hitta Sif á laugardaginn. Ég þarf helst alltaf að vera að gera eitthvað, ég get ekki einu sinni verið kyrr þegar ég er að horfa á sjónvarpið. Samt er ég næstum alveg hætt að hoppa á húsgögnunum. Ég held samt að mamma vilji alveg að ég hoppi í sófanum því hana langar í nýjan sófa. Hún á bara ekki nógu marga peninga ennþá til að kaupa hann.