Um það sem á daga mína drífur
|
Monday, April 21, 2003
Nú er Sölvi búinn að eiga afmæli og búið að ferma Nökkva. Við fórum í sumarbústaðinn sem afi og amma eiga og á laugardaginn heimsótti ég Sif - strákarnir fóru sko í bíó. Í gær fékk ég páskaegg - inní í því var einhver miði sem stóð á að það eina sem margar konur kynnu fyrir sér í eldamennsku væri að láta sjóða á karlmönnum, mér fannst þetta asnalegt. Páskaeggið var númer 5 af því ég fimm ára og ég er bara bráðum búin með það allt. Elís Dofri fékk númer 4 en honum var alveg sama.
skrifar at 5:19 AM
Friday, April 11, 2003
Á sunnudaginn á að ferma Nökkva bróður minn. Allir eru að undirbúa veisluna hans og ég er rosalega dugleg að taka til og er núna að fara að sofa og er með jólasveinahúfu sem ég á og fann þegar ég tók til í herberginu mínu í dag. Núna er ég að fara að sofa - góða nótt!
skrifar at 3:54 PM
Friday, April 04, 2003
Úpsíbúbfs ég er með haupabólu og hangi heima. Mamma er hjá mér og við erum búnar að spila þjóf en svo hef ég líka verið að horfa á ávaxtakörfuna í sjónvarpinu. Mig klæjar svolítið og er að reyna klóra mér ekki mikið því maður á víst ekki að klóra í bólurnar. Í gær var pabbi heima hjá mér og hann kenndi mér að tefla. Pabbi á svo flott tafl sem hann keypti í útlöndum það er handgert. Reyndar var ég ekki alveg viss í gær hvað það heitir og bað mömmu að rétta mér Skákið því pabbi ætlaði að skáka við mig!
|
|
