Um það sem á daga mína drífur
|
Sunday, February 23, 2003
Í gær fékk ég að fara með mömmu suður og ég var hjá Sif næstum allan daginn. Mamma var á einhverju námskeiði en við Sif lékum okkukr í mörgum leikjum t.d. barbí, snyrtileik og lilluleik Svo fórum við aðeins út. Elísa frænka átti afmæli og við fórum þangað í afmæliskaffi. Þar hitti ég afa minn og ömmu. Í dag var ég bara heima og horfði á sjónvarpið, teiknaði og lék mér við Elís Dofra. Pabbi og mamma buðu okkur í Hyrnuna og keyptu ís - minn var bestur bæði með lakkrís og súkkulaði.
skrifar at 2:06 PM
Wednesday, February 19, 2003
Það snjóaði í dag eftir alla rigninguna og rokið en kannski byrjar aftur að rigna. Mamma er búin að kaupa rassaþotu handa mér svo ég get rennt mér sjálf. Brekkan er sko alveg við húsið okkar. Þangað koma margir krakkar að renna þegar er snjór. Í dag var mamma veik svo strákarnir sóttu mig á leikskólann og svo kom Karen Ýr í heimsókn en ég fór til hennar í gær. Við lékum okkur svaka vel og erum góðar vinkonur.
skrifar at 2:14 PM
Saturday, February 08, 2003
Ég fór í fimm ára skoðun og gat allt sem ég átti að gera. Ég er orðin 112 cm og 18.5 kg, enda er ég að vaxa upp úr öllum fötunum mínum. Í dag er Erla Björk hjá mér í heimsókn og við erum búnar að vera rosa duglegar að leika. Við erum líka búnar að fara út að renna okkur í brekkunni. Svaka gaman. Á morgun eru pabbi og mamma búin að lofa að fara með mér í sund eins gott að þau standi við það sko. Ég er alltaf að æfa mig að læra- er farin að skrifa tölurnar og reikna, enda hlakka ég til að fara í alvöru skóla, þar sem mamma mín vinnur.
|
|
