Um það sem á daga mína drífur
|
Monday, August 26, 2002
Nú er Elís Dofri litli bróðir minn farinn að ganga og það er nú gaman. Ég fékk að gista hjá Hrafnhildi Jónu frænku minni þegar pabbi og mamma fóru í sumarbústaðinn á laugardagskvöldið og svo fór ég þangað í gær með afa og ömmu. Síðan komu líka fullt af gestum og ég fékk grillaðar pylsur, vöfflur, kleinur og nammi. Bæði Sif, Silja og Hrafnhildur komu og líka Elís, Emil og Sindri. Pabbi fékk marga pakka og var voðalega glaður. Ég var í nýjum skvísufötum sem mamma var búin að kaupa handa mér.
Stundum er mamma að spyrja mig hvað sé í matinn á leikskólanum afþví að hún gleymir að gá á miðann sem hangir þar. Einu sinni var spældur fiskur í matinn og mamma hló og hló. Hún sagði síðan að það heiti steiktur fiskur, það eru víst bara egg sem eru spæld! Hvernig á maður að vita þetta alltsaman?
skrifar at 12:14 AM
Sunday, August 11, 2002
Ég fór með mömmu og strákunum í berjamó og svo í heimsókn að Hrappsstöðum. Þar var ég að leika við Sif frænku mína og Elínu Huld sem var líka í heimsókn. Það var voða gaman þangað til við fórum allar að rífast og Sif beit mig í hendina og ég sparkaði í þær. Svo urðum við vinkonur aftur og áðan sá ég fótspor á hendinni mér, en það heitir víst tannaför segir mamma. Nú er ég að fara að sofa, mamma er búin að baða mig, hjálpa mér að bursta tennurnar og lesa Pocahontas fyrir mig. : )
skrifar at 4:13 PM
Saturday, August 10, 2002
Í dag fór ég í hjartagöngu með pabba, mömmu, Elísi Dofra og fullt af fólki alla leið á gamalt eldfjall sem heitir Eldborg. Í ferðinni voru líka Magga, Þorgrímur, Róbert, Tómas, Erla Björk, Elísabet og Hafdís. Baldur og Ragna voru líka! Þetta var mega skemmtilegt og þegar gangan var búin, var grillað og ég fékk pylsu og kók og kex. Þegar við komum heim var klukkan orðin svo margt að pabbi og mamma nenntu ekki að elda kvöldmat og keyptu pizzu fyrir strákana og mig. Svo tókum við pabbi til í herberginu mínu og núna er það sko orðið skvísulegt.
góða nótt
SS
Á myndinni eru frá hægri Þorgrímur, Magga, Róbert, Tómas, ég, Erla Björk og vinkona hennar sem ég man ekki hvað heitir
skrifar at 4:33 PM
Tuesday, August 06, 2002
Þetta erum við vinkonurnar ég og Magga, en mamma tók myndina í sumar í Hafnarskógi. Ég byrjaði aftur í leikskólanum í dag eftir fríið og svo fékk ég að fara og leika við Möggu. Á morgun ætlar hún að koma í heimsókn til mín, vei vei, það er svo gaman að leika!!! Í fyrramálið byrja ég klukkan níu í leikskólanum og svo á fimmtudaginn klukkan átta, það er eins gott að fara snemma að sofa. Mamma er búin að lesa Litla knáa klæðskerann fyrir mig í kvöld, en ég er nú samt enn að skottast á fótum. Búin að fá kvöldhressingu og bursta tennurnar, ég á sko bleikt barbí tannkrem!
Góða nótt!
skrifar at 4:04 PM
skrifar at 3:59 PM
 3:55 PM
Saturday, August 03, 2002
Hæ hæ
Ég var aldeilis dugleg í gær, fór með pabba, Sölva og Nökkva í sund og fór í grænu rennibrautina. En áður var ég búin að fara með mömmu í búðina og mér tókst að fá hana til að kaupa spólu handa mér. Ég veit alveg að henni finnst stundum gott þegar ég horfi á sjónvarpið, þá er ég ekki að gera neitt af mér á meðan. Þetta er sko æðisleg Barbí spóla og ég er búin að horfa á hana tvisvar. Svo er mamma búin að sýna mér vefsíðu um Barbí. Ég er bara svolítill klaufi ennþá með músina. Jæja nú ætla ég að horfa einu sinni enn á spóluna, pabbi er hvort eð er að vinna, mamma að fara í tölvuna, strákarnir sofandi og ekkkert fjör á heimilinu.
bless bless
Salvör
|
|
